المهندس
عدد الرسائل : 10 العمر : 39 مزاجي : تاريخ التسجيل : 17/04/2008
| موضوع: سيدى الرئيـــــــــــــــــس الجمعة مايو 09, 2008 11:37 pm | |
| سيدي الرئيس
في عيد ميلادك الكام وتامنين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
عدل سابقا من قبل المهندس في السبت مايو 10, 2008 3:55 pm عدل 1 مرات | |
|
فروحه
عدد الرسائل : 43 النوع : تاريخ التسجيل : 05/05/2008
| موضوع: رد: سيدى الرئيـــــــــــــــــس السبت مايو 10, 2008 3:41 pm | |
| لاحول ولا قوة الا بالله وحسبنا الله ونعم الوكيل والله برافو عليك كل كلمه كتبتها صح 100% ربنا يتولى شعب مصر ويصرف عنا البلاء اللهم امين | |
|
المهندس
عدد الرسائل : 10 العمر : 39 مزاجي : تاريخ التسجيل : 17/04/2008
| موضوع: رد: سيدى الرئيـــــــــــــــــس السبت مايو 10, 2008 3:57 pm | |
| - فروحه كتب:
- لاحول ولا قوة الا بالله وحسبنا الله ونعم الوكيل والله برافو عليك كل كلمه كتبتها صح 100% ربنا يتولى شعب مصر ويصرف عنا البلاء اللهم امين
جزاكم الله خيرا الموضوع اتعطر بمرورك يافروحة ربنا يفرحك ويرزقك السعادة فى الدارين يارب | |
|
nour_nour Admin
عدد الرسائل : 282 العمر : 42 الموقع : --------------------- حالة العضو : النوع : تاريخ التسجيل : 16/04/2008
| موضوع: رد: سيدى الرئيـــــــــــــــــس الأحد مايو 11, 2008 8:40 pm | |
| مرسي جدا علي الموضوع لاحرمان منك ومن موجودك ونشاطك ربنا ينشلنا من الي احنا فية | |
|